22. mars 2025

Verðlaun fyrir myndbandagerð um skóga og skógrækt

Hvatningarverðlaun skógræktar 2025 voru veitt við hátíðlega athöfn í Kvikunni, menningarhúsi Grindvíkinga, á alþjóðlegum degi skóga 21. mars. Að þessu sinni komu verðlaunin í hlut Pálmars Arnar Guðmundssonar, formanns Skógræktarfélags Grindavíkur, fyrir ötult kynningarstarf um skógrækt með myndbandagerð.

18. mars 2025

Landbótasjóður og Bændur græða landið – úthlutun 2025

Niðurstöður úthlutunar Lands og skógar á verkefnastyrkjum úr Landbótasjóði og Bændur græða landið fyrir árið 2025 hafa verið sendar út gegnum Ísland.is.

17. mars 2025

Hvatningarverðlaun skógræktar veitt á alþjóðlegum degi skóga

Hvatningaverðlaun skógræktar 2025 verða veitt við hátíðlega athöfn í Kvikunni, menningarhúsi Grindvíkinga á alþjóðlegum degi skóga, 21. mars, og hefst athöfnin kl. 17.

14. mars 2025

Frá plöntu til planka - Fagráðstefna skógræktar 2025

Fagráðstefna skógræktar 2025 fer fram á Hótel Hallormsstað dagana 26. og 27. mars. Þema fyrri dags ráðstefnunnar að þessu sinni verður leiðin frá ræktun skógarplöntu í gróðrarstöð þar til trén eru felld til timburnytja. Dagskrá ráðstefnunnar liggur nú fyrir með útdráttum erinda og veggspjalda.

6. mars 2025

Ráðherra og þingmenn heimsækja Land og skóg

Jóhann Páll Jóhannsson, umhverfis-, orku- og loftslagsráðherra kom ásamt fylgdarliði í Gunnarsholt fimmtudaginn 27. febrúar í formlega heimsókn til Lands og skógar. Þingmenn komu líka í heimsókn í kjördæmaviku.

5. mars 2025

Ný skýrsla um verðmætasköpun úr íslenskum skógum

Ýmsar vörur eru álitlegar til framleiðslu úr íslensku timbri. Spurn eftir timbri í heiminum fer vaxandi og nýtanlegt viðarmagn úr íslenskum skógum eykst mjög á komandi árum. Þetta er meðal þess sem fram kemur í skýrslu sem unnin var að frumkvæði Félags skógarbænda á Suðurlandi. Skýrslan er er afrakstur forvals á hugmyndum um nýtingu verðmæta úr íslenskum skógum.

4. mars 2025

Ráðgjafar óskast á Vestur- og Austurland

Land og skógur óskar eftir að ráða í tvær stöður ráðgjafa með aðalstarfssvæði á Vesturlandi annars vegar og hins vegar á Austurlandi. Umsóknarfrestur er til 14. mars.

28. febrúar 2025

Kosning hafin um handhafa Hvatningarverðlauna skógræktar 2025

Hvatningarverðlaun skógræktar verða veitt öðru sinni á alþjóðlegum degi skóga 21. mars næstkomandi. Hægt er að kjósa um þrjár tilnefningar til verðlaunanna fram til 10. mars.

18. febrúar 2025

Vottun votlendisverkefna í augsýn

Drög að aðferðafræði við vottun gæðakolefniseininga fyrir endurheimt votlendis hafa nú verið birt í samráðsgátt loftslagsskrárinnar International Carbon Registry (ICR). Þar með styttist í að aðferðafræðin geti hlotið faggildingu og hægt verði að fara í verkefni til að endurheimta votlendi sem gefa af sér vottaðar kolefniseiningar í samræmi við strangar gæðakröfur.

11. febrúar 2025

Alþjóðlegur dagur kvenna í vísindum

Ellefta febrúar er athygli heimsins beint að konum og stúlkum í vísindum. Land og skógur fagnar deginum með því að vekja athygli á starfi vísindakvenna innan sinna raða.