Lauftré í skógrækt á Íslandi

Lauftré eru dulfrævingar (Angiospermae) og hylja því fræ sín aldini. Laufskógar eru einkennandi fyrir laufskógabeltið sem tekur við sunnan barrskógabeltisins. Í laufskógabeltinu eru mildir, stuttir vetur og hlý sumur. Úrkoma er að jafnaði meiri en í barrskógabeltinu jafnari árið um kring. Jafnframt er jarðvegur dýpri og frjósamari en í barrskógunum og lífríkið allt fjölskrúðugra.

Reynir (fræðiheiti: Sorbus) er ættkvísl jurta af rósaætt (Rosaceae) sem finnst um allt norðurhvel jarðar og tilheyrir rósaættbálkinum (Rosales).

Birki (fræðiheiti Betula) er ættkvísl jurta af birkiætt (Betulaceae) sem vaxa víða um norðurhvel jarðar og tilheyra beykiættbálkinum (Fagales).

Trjáafurðir til sölu á sölustöðum Skógræktarinnar. 
Sendið fyrirspurn til að athuga lagerstöðu og fá upplýsingar um verð.

Hér eru öll þau rannsóknarverkefni sem Skógræktin tekur þátt í núna

Barrtré í skógrækt á Íslandi

Barrtré eru tré af ætt berfrævinga (Pinophyta). Flest eru þau sígræn. Barrskógabeltið (erl. taiga) þekur stórt svæði á norðurhveli jarðar og eru barrskógarnir víðfeðmastir í Rússlandi og Kanada.

Lerki (fræðiheiti: Larix), áður kallað lævirkjatré eða barrfellir, er sumargrænt barrtré sem vex í barrskógabeltinu á norðurhveli eða til fjalla á suðlægari slóðum. Til ættkvíslarinnar teljast 10-15 tegundir en lerki er af þallarætt (Pinaceae) og ættbálkinum Pinales.

Elri (fræðiheiti: Alnus) er ættkvísl blómplantna af birkiætt (Betulaceae) sem tilheyrir beykiættbálkinum (Fagales).

Ösp (fræðiheiti: Populus) er ættkvísl 25-35 tegunda lauftrjáa af víðiætt (Salicaceae) sem vaxa á norðurhveli jarðar.

Víðir (fræðiheiti Salix) er ættkvísl um 400 tegunda trjáa og runna af víðiætt (Salicaceae). Þær vaxa aðallega í rökum jarðvegi á köldum og tempruðum svæðum á norðurhveli jarðar.

Hlynur (fræðiheiti: Acer) er ættkvísl trjáa af sápuberjaætt (Sapindaceae). Íslendingar þekkja helst garðahlyn sem hér hefur verið ræktaður í görðum á aðra öld.

Álmur (fræðiheiti: Ulmus) er ættkvísl hávaxinna lauftrjáa af álmsætt (Ulmaceae) sem tilheyrir rósaættbálkinum (Rosales).

Askur (fræðiheiti: Fraxinus) er ættkvísl blómstrandi trjáa af smjörviðarætt (Oleaceae) en af sömu ætt eru líka sýrenur (Syringa) og ólívutré (Olea).

Eik (fræðiheiti: Quercus) er stórvaxið lauftré af beykiætt (Fagaceae). Um sex hundruð tegundir runna og trjáa teljast þessarar ættar og dreifast þær vítt og breitt um norðurhvel jarðar allt frá hitabeltinu norður til tempraða beltisins.

Beyki (áður einnig kallað bæki) (fræðiheiti: Fagus) er ættkvísl skammærra trjáa af beykiætt (Fagaceae) sem eiga heimkynni sín í tempraða beltinu í Evrópu og Norður-Ameríku.

Heggur (eða heggviður, fræðiheiti: Prunus) er lauftré af rósaætt (Rosaceae) og er í raun ein tegund kirsuberjatrjáa.

Greni (fræðiheiti: Picea) er ættkvísl um 35 tegunda sígrænna barrtrjáa af þallarætt (Pinaceae). Grenitegundir vaxa í norðanverðu tempraða beltinu og barrskógabeltinu.

Furur (fræðiheiti: Pinus) kallast ættkvísl sígrænna barrtrjáa af þallarætt (Pinaceae). Misjafnt er eftir höfundum hversu margar tegundir eru taldar til ættkvíslarinnar en þær eru á bilinu frá 105 til 125.

Þinur (fræðiheiti: Abies) er flokkur sígrænna barrtrjáa af þallarætt (Pinaceae). Þinættkvíslin tilheyrir barrskógabeltinu og fjöllum norðurhvels jarðar svipað og greni og lerki en nokkrar tegundir ná þó suður í tempraða beltið.

Þöll (fræðiheiti: Tsuga) er ættkvísl nokkurra tegunda sígrænna barrtrjáa af þallarætt (Pinaceae). Þallartegundir eru átta til tíu talsins og finnast fjórar í Norður-Ameríku og fjórar til sex í Austur-Asíu.

Lífviðarættkvíslinni (fræðiheiti: Thuja) tilheyra fimm tegundir. Tvær eru upprunnar í Norður-Ameríku en þrjár í Austur-Asíu. Sýprisættkvíslinni (fræðiheiti: Cupressus) tilheyra 16-30 tegundir en flokkunarfræðin er nokkuð á reiki.

Degli (fræðiheiti: Pseudotsuga) er lítil ættkvísl a.m.k. sex tegunda sígrænna barrtrjáa af þallarætt (Pinaceae). Fjórar tegundir eru í Austur-Asíu, allar sjaldgæfar, og tvær í vestanverðri Norður-Ameríku.