Hengibjörk

Betula pendula

Falleg hengibjörk í Prestfoss í Noregi. Mynd: Pétur Halldórsson

Áberandi ljós börkur er á ungu hengibirki og dökkar greinar, enn meiri andstæður en í hvítstofna ilmbjörk. Mynd: Pétur Halldórsson

Frá Prestfoss í Noregi. Mynd: Pétur Halldórsson

Hengibjörk í Neðstareit í Mörkinni á Hallormsstað. Mynd: Þröstur Eysteinsson.

Með aldrinum springur börkur hengibjarkarinnar upp og verður grófur. Á þessu ríflega aldargamla tré birtast ýmsar kynjamyndir í berkinum. Mynd: Pétur Halldórsson

Hér sjást leifar af hvíta berkinum en með tímanum verður stofn hengibjarkar svartur og grófgerður. Mynd: Pétur Halldórsson

Mynd: Pétur Halldórsson

Við Gömlu-Gróðrarstöðina á Akureyri stendur hengibjörk sem gróðursett var 1907 og er því eitt elsta tréð þessar tegundar á landinu, ef ekki það elsta. Mynd: Pétur Halldórsson

Mynd: Pétur Halldórsson

Hæð: Miðlungs stórt tré, ætti að geta náð a.m.k. 20 m hérlendis

Vaxtarlag: Sæmilega beinvaxið með nokkuð breiða krónu og fær oftast slútandi greinar með aldrinum

Vaxtarhraði: Fremur hægur hjá norðlægum kvæmum

Landshluti: Um land allt

Sérkröfur: Ljóselsk tegund, þarf frjósaman jarðveg og sumarhlýindi til að ná góðum vexti

Styrkleikar: Formfegurð, hvítur börkur, haustlitir

Veikleikar: Oft seinvaxið, vorkal hjá norðlægum kvæmum, oft mikil afföll í æsku, trjámaðkur

Athugasemdir: Leit að góðu hengibjarkarkvæmi fyrir Ísland hefur ekki verið mjög ítarleg og enn hefur ekkert mjög vel aðlagað kvæmi fundist. Leitin heldur þó áfram. Hengibjörk er eitt áhugaverðasta lauftré til frekari notkunar í skógrækt á Íslandi.

Hengibjörk (vörtubirki)