Ilmbjörk

Betula pubescens

Birki í um 600 metra hæð í Austurdal Skagafirði. Mynd: Pétur Halldórsson

Austurdalur er friðaður fyrir beit austan ár og birkið er þar í greinilegri framför. Það virðist líka vera að hækka, e.t.v. vegna samspils beitarfriðunar og hlýnandi sumra. Mynd: Pétur Halldórsson

Dæmigert kræklótt íslenskt birki. Mynd: Pétur Halldórsson

Í Stórahvammi í Austurdal er hægt að finna hærra birki, jafnvel nokkurra metra hátt. Mynd: Pétur Halldórsson

Birkið í ofanverðum í Austurdal nær greinilega að þroska fræ í góðum sumrum því sjá má ungviði á stöku stað. Mynd: Pétur Halldórsson

Ung birkiplanta í Austurdal. Mynd: Pétur Halldórsson

Þorsteinn Guðni Arnórsson, fyrrverandi aðstoðarskógarvörður á Vöglum, mælir ummál hæstu villibjarkar sem vitað er um á Íslandi. Mynd: Pétur Halldórsson

Hæsta villta birkitré sem vitað er um á Íslandi stendur í Vaglaskógi og er yfir 14 metra hátt. Þröstur Eysteinsson skógræktarstjóri stendur hér við tréð í október 2014. Mynd: Pétur Halldórsson

Hvítstofna birki í haustlitum. Mynd: Pétur Halldórsson

Mynd: Pétur Halldórsson

Birki með karl- og kvenrekla. Ljósmynd: Pétur Halldórsson

Hæð: Oftast fremur smávaxið tré, 0,5-15 m

Vaxtarlag: Allt frá kræklóttum margstofna runna upp í beinvaxið tré

Vaxtarhraði: Oftast hægur en getur verið hraður hjá ungum trjám á frjósömu landi

Landshluti: Um land allt, hæst í yfir 600 m hæð yfir sjó

Sérkröfur: Ljóselsk tegund, þarf frjósaman jarðveg til að ná góðum vexti

Styrkleikar: Vindþolið, frostþolið, lífseigt, fallegir haustlitir, ilmur

Veikleikar: Seinvaxið og smávaxið í rýru landi, oft kræklótt, trjámaðkafaraldrar, birkiryð. Nýir vágestir eru birkikemba og birkiþéla

Athugasemdir: Útbreiddasta skógartréð á Íslandi en mjög breytilegt í vexti. Kynblöndun við fjalldrapa skýrir kræklótt vaxtarlag og runnkenndan vöxt að stórum hluta. Birki breiðist nú hratt út á landinu með hlýnandi veðri og minnkandi beit

Ilmbjörk (birki)