Tilgangur og starf rannsóknasviðs

Mógilsá, rannsóknasvið Skógræktarinnar, sinnir rannsóknastarfi og þekkingaröflun í þágu skógræktar og skógverndar. Bróðurparturinn af fjárframlögum til sviðsins kemur frá hinu opinbera en einnig renna drjúgir rannsóknarstyrkir til starfseminnar ár hvert gegnum margvísleg verkefni sem sviðið stýrir eða tekur þátt í.

Verkefnaáætlanir einstakra rannsóknaverkefna eru jafnan gerðar til eins árs í senn , en líftími verkefna er afar breytilegur. Almennar áherslur eru:

að stunda öflugar og sjálfstæðar rannsóknir er lúta að skógrækt og skógvernd
að ljúka birtingu rannsóknaniðurstaðna, í alþjóðlega ritrýndum fræðatímaritum og á innlendum vettvangi
að hefja rannsóknaverkefni þar sem nýrrar þekkingar er þörf og afla til þeirra styrkja
að veita sérfræðiþjónustu á flestum sviðum sem snerta skógrækt og skógvernd

Verkefnum Mógilsár er skipt upp í eftirtalda flokka:

Öllum verkefnum rannsóknasviðs er skipt í eftirfarandi gerðir:

Vöktunarverkefni – langtímaverkefni þar sem fylgst er með breytingum
Hagnýtar rannsóknir og þróunarvinna – leitast er við að finna lausnir á vandamálum í íslenskri skógrækt og/eða þróa aðferðir við skógrækt og úrvinnslu afurða
Grunnrannsóknir – verkefni sem miða að því að auka skilning okkar á skógi og vistkerfum hans
Þjónusturannsóknir – rannsóknir og/eða mælingar, unnar að beiðni annarra
Fagmál – verkefni sem miða að því að efla tengsl vísindamanna (t.d. erlent og innlent samstarf, netverkefni ýmiskonar), stjórnsýsluverkefni og verkefni þar sem unnið er að uppbyggingu gagnagrunna, nýrrar aðferðarfræði ofl.

Stærstur hluti fjármagns rannsóknasviðs rennur til tveggja fyrstnefndu gerðanna, vöktunarverkefna og hagnýtra rannsókna. Þar er stærsta einstaka verkefni sviðsins, Íslensk skógarúttekt, fyrirferðarmest.

Rannsóknaáætlun Mógilsár 2019

Virk rannsóknaverkefni á Mógilsá 2019, skipt eftir gerðum

VÖKTUNARVERKEFNI
Íslensk skógarúttekt	Loftslagsdeild
Gagnagrunnur um skóga á Íslandi	Loftslagsdeild
Landsskógaúttekt	Loftslagsdeild
Úrvinnsla jarðvegs- og gróðursýna úr Landsskógaúttekt	Loftslagsdeild
Trjásjúkdómar og meindýr	Trjá- og skógarheilsa
HAGNÝTAR RANNSÓKNIR
Betri tré	Erfðaauðlindir
Gæði og ending íslensks viðar	Umhirða og afurðir skóga
Iðnviður	Umhirða og afurðir skóga
Kvæmatilraun á degli	Erfðaauðlindir í trjá- og skógrækt
Kvæmarannsóknir á fjallaþin	Erfðaauðlindir í trjá- og skógrækt
Kvæmaval á hengibirki	Erfðaauðlindir í trjá- og skógrækt
Lerki – kvæmi og tegundir	Erfðaauðlindir í trjá- og skógrækt
Langtímatilraun með nýskógrækt	Umhirða og afurðir skóga
Lifun og æskuvöxtur skógarplantna	Nýræktun skóga og skjólbelti
Moltuverkefni á Hólasandi	Nýræktun skóga og skjólbelti
Prófun á sænskri stafafuru	Erfðaauðlindir í trjá- og skógrækt
Rannsóknir á birkikembu	Trjá- og skógarheilsa
Rannsóknir í jólatrjáarækt	Erfðaauðlindir í trjá- og skógrækt
Samræktun alaskaaspar og alaskalúpínu til framleiðslu iðnviðar og bindingar kolefnis	Nýræktun skóga og skjólbelti
Sitkagreni – kvæmi og tegundir	Erfðaauðlindir í trjá- og skógrækt
Skógarhagfræði	Skógur og samfélag
Stormfall trjáa	Umhirða og afurðir skóga
Viðarmagnsúttekt á Vesturlandi	Umhirða og afurðir skóga
Tilraunaverkefni á Mosfellsheiði	Nýræktun skóga og skjólbelti
Samanburður hefðbundinnar aðferðar og LIDAR við umhirðu og viðarmagnsáætlun	Umhirða og afurðir skóga
GRUNNRANNSÓKNIR
Áhrif hlýnunar á útbreiðslu birkiskóga	Loftslagsdeild
Árhringir og umhverfisbreytingar	Loftslagsdeild
Fornvistfræði	Vistfræði skóga
Jarðhitaskógur	Vistfræði skóga
Mýrviður	Loftslagsdeild
SEEDS - Sjálfsáning erlendra trjátegunda	Vistfræði skóga
Skordýrabeit í landgræðsluskógum og lúpínubreiðum	Trjá- og skógarheilsa
Vistfræði birkiskóga	Vistfræði skóga
ÞJÓNUSTURANNSÓKNIR
Bókhald gróðurhúsalofttegunda vegna skógræktar og skóga á Íslandi	Loftslagsdeild
LULUCF ráðgjöf vegna ESB	Loftslagsdeild
FAGMÁL
Þróun gagnagrunns fyrir framkvæmdir, áætlanir og kortlagningar í skógrækt	Loftslagsdeild
Gagnagrunnur fyrir tilraunir í skógrækt	Loftslagsdeild
ERLENT SAMSTARF
INNLENT STARF Í STJÓRNSÝSLU
ÚTGÁFA OG SKIPULAGNING VIÐBURÐA

Rannsóknaverkefni