Hátíðardagskrá í Garðyrkjuskólanum á Reykjum í Ölfusi

Frá sumarhátíð Garðyrkjuskólans á Reykjum. Ljósmynd af vef LbhÍ

Forseti Íslands, Guðni Th. Jóhannesson, afhendir garðyrkjuverðlaunin 2022 á sumarhátíð Garðyrkjuskóla LbhÍ á Reykjum sem fram fer á morgun, sumardaginn fyrsta. Þá verður að venju opið hús í Garðyrkjuskólanum og ýmislegt að sjá og gera. Forsetinn afhendir garðyrkjuverðlaunin á sérstakri hátíðardagskrá milli kl. 14 og 15 og þar afhendir líka formaður Bændasamtakanna umhverfisverðlaun Hveragerðis.

Hátíðin stendur frá kl. 10-17. Á sölutorgi verður hægt að nálgast ferskt grænmeti, blóm, kryddolíur, jarðaberjaplöntur tilbúnar í stofugluggann og fleira til. Bananahúsið verður opið fyrir þau sem vilja upplifa hitabeltisstemmningu. Á útisvæðum verða vélar og tæki til sýnis og hægt að fá ketilkaffi og kannski sykurpúða til að grilla.  Í verknámshúsi verða verkefni nemenda til sýnis, tjarnir og náttúrugrjót. Einnig verða þar grillaðar pylsur til sölu og ís og í eldhúsinu verða að venju vöfflur, kaffi og kakó til sölu ásamt ís sem hægt er að njóta í hlýjunni í garðskálanum.

Um miðjan daginn verður að venju hátíðardagskrá þar sem forseti Íslands afhendir garðyrkjuverðlaunin sem nú eru veitt í 20. sinn. Einnig veitir Gunnar Þorgeirsson, formaður Bændasamtaka Íslands, umhverfisverðlaun Hveragerðis.

Dagskrá

Fundarstjóri: Björgvin Örn Eggertsson

• Frétt á vef LbhÍ

 Sett á skogur.is: Pétur Halldórsson