Opnað fyrir umsóknir um sumarstörf hjá Skógræktinni

Gróðursetning á Mógilsá. Ljósmynd: Aðalsteinn Sigurgeirsson

Námsfólk, 18 ára og eldra, getur nú sótt um tugi sumarstarfa hjá Skógræktinni um allt land. Í boði eru störf við skógrækt og skógarumhirðu, stígaviðhald á Þórsmörk, aðstoð við rannsóknir og fleira. Sótt er um á vef Vinnumálastofnunar.

Skógræktin hefur sótt um framlög frá Vinnumálastofnun til að ráða allt að 60 námsmenn, 18 ára og eldri, til sumarstarfa 2020. Störf eru í boði í öllum landsfjórðungum.

Fjölgun sumarstarfa fyrir námsmenn er liður í aðgerðum stjórnvalda til að mæta afleiðingum kórónufaraldursins. Fjölmargar umsóknir um almenn störf og sumarstörf hafa borist Skógræktinni undanfarnar vikur en námsmönnum úr þeim hópi er bent á að skrá umsóknir sínar upp á nýtt á vef Vinnumálastofnunar.

Hér eru hlekkir beint á vef Vinnumálastofnunar fyrir þau starfsvæði eða starfstöðvar Skógræktarinnar sem óska eftir nemum til starfa í sumar.

Vesturland

• Verkafólk við skógræktarstörf í þjóðskógum Skorradals og víðar á Vesturlandi

Þórsmörk

• Verkafólk við stígagerð og -viðhald á Þórsmörk og Goðalandi

Suðurland

• Verkafólk við skógræktarstörf að Tumastöðum í Fljótshlíð
• Verkafólk við skógræktarstörf í Þjórsárdalsskógi Skeiða- og Gnúpverjahreppi
• Verkafólk við skógræktarstörf í Haukadalsskógi Bláskógabyggð

Austurland

• Verkamenn við skógræktarstörf

Norðurland

• Verkamenn við skógræktarstörf

Reykjavík

• Aðstoðarfólk við rannsóknir o.fl.
• Umsjón með umhverfi Mógilsár, aðstoð við sérfræðinga o.fl.
• Verkafólk við skógræktarstörf á Mógilsá

Akureyri

• Aðstoðarfólk við rannsóknir

Án staðsetningar

• Skönnun og skráning mynda og aðstoð við ýmis verk
• Aðstoðarfólk skógræktarráðgjafa

Texti: Pétur Halldórsson