Stiklingatilraun á Hnitbjörgum

Mynd: Hlynur Gauti Sigurðsson

Á Hnitbjörgum í Jökulsárhlíð var lögð út eins konar tilraun til að koma á sem einfaldastan og ódýrastan hátt upp skjóli.

Lagt var upp með að klippa 40 cm langa stiklinga af alaskavíði og stinga djúpt í jörðu.  Venjulega eru stiklingarnir styttri en hugmyndin með þessu er að koma rót fyrr niður í grunnvatn.  Árangurinn var eins og búist var við en lifun var greinilega í 60% tilvika þegar tilraunin var tekin út 23. júní sl.  Í sumum tilvikum var ekkert lífvænlegt að sjá ofan yfirborðs þó svo að neðan yfirborðs væri lifandi rótarkerfi.  Má því mögulega búast við betri lifun.

Stiklingunum var stungið með plóg í sendinn jarðveg um mánðamótin maí/júní.  Þá var frost nýfarið úr jörðu, stiklingarnir við það að fara að mynda brum og því ákjósanlegur tími.  Því miður var tíðin frekar þurr langt fram í júní.  Nú er hins vegar komin væta og vonandi að vöxtur taki við sér.

Hlynur Gauti Sigurðsson tók myndirnar hér að neðan þegar tilraunin var tekin út þann 23. júní sl.







Frétt frá Héraðsskógum