Fréttir

Óskað hefur verið eftir umsögnum innan Evrópusambandsins um tillögu að nýrri skóga- og skógræktarstefnu fyrir sambandslöndin. Þar er leitað jafnvægis milli verndunar og nýtingar en einnig viðurkennt það mikilvæga hlutverk sem skógar og skógrækt hefur á tímum loftslagsbreytinga og í uppbyggingu á grænu, sjálfbæru hringrásarhagkerfi í stað ósjálfbærs hagkerfis sem byggist á einstefnunýtingu auðlinda jarðarinnar. innan Evrópusambandsins um tillögu að nýrri skóga- og skógræktarstefnu fyrir sambandslöndin.

Að því er spurt í aðsendri grein í nýjasta tölublaði Bændablaðsins hvort tækifæri felist í kolefnisbindingu. Þar kemur fram að nú sé unnið að fýsileikagreiningu kolefnisbindingar í Skútustaðahreppi og Þingeyjarsveit sem lið í samstarfsverkefni þessara sveitarfélaga, Nýsköpun í norðri. Gera megi ráð fyrir að út frá landkostum og hóflegri nýtingu lands til bindingar megi binda árlega 300-500 þúsund tonn af koltvísýringi á ári í þessum tveimur sveitarfélögum. Sá markaður sem nú er að myndast í heiminum fyrir kaup og sölu kolefniseininga feli í sér tækifæri fyrir íslenska bændur og aðra landeigendur.

Notendur rafræns dagatals Skógræktarinnar geta í dag skipt um skjámynd á tölvum sínum og sett inn dagatal febrúarmánaðar. Á því er ljósmynd Atla Arnarsonar ljósmyndara af físisvepp.

Nokkrar gerðir af rafknúnum pallbílum með fjórhjóladrifi eru nú í þróun og væntanlegir á markað á næstu misserum. Fátt bendir til þess að tengiltvinnbílar verði millistig í orkuskiptum pallbíla því framleiðendur leggja nú áherslu á hreina rafbíla í þessum bílaflokki. Búast má við því að á síðari hluta þessa árs og því næsta verði fyrstu rafknúnu palljepparnir komnir á markað í Bandaríkjunum þar sem er stærsti markaðurinn fyrir þessa tegund farartækja.

Vorið 2021 býður Vinnuverndarskóli Íslands breitt úrval námskeiða á sviði vinnuverndar. Þetta verða bæði opin fjarnámskeið sem nemendur geta hafið hvenær sem er og ástundað á eigin hraða sem og námskeið með vinnustofu sem bjóða upp á að dýpka skilninginn með lifandi umræðum og endurgjöf leiðbeinanda.