Degli (döglingsviður, douglasgreni)

Pseudotsuga menziesii

Gamla deglið frá 1940 á Atlavíkurstekk í Hallormsstaðaakógi. Það mældist um 20 m hátt um 2009. Ljósmynd: Þröstur Eysteinsson

Ung degliplanta á skógræktarsvæði í Suður-Svíþjóð. Þar geta komið næturfrost vor og haust sem geta verið deglinu skeinuhætt. Því þykir nauðsynlegt að rækta tegundina undir skermi annarra trjáa. Á þessum stað eru gerðar tilraunir með að rækta hengibirki í nokkur ár og gróðursetja því næst degli sem vex upp í skjóli bjarkanna. Mynd: Pétur Halldórsson

Barr á degli. Ljósmynd: Pétur Halldórsson

Degli á Mógilsá, gróðursett 1994. Ljósmynd: Pétur Halldórsson

Peter Tigerstedt grasafræðingur við myndarlegt deglitré í Mustila-trjásafninu í Finnlandi 1906. Ljósmynd: Pétur Halldórsson

Efnilegt degli í Haukadalsskógi. Mynd: Pétur Halldórsson

Hæð: Mjög stórt tré, gæti náð a.m.k. 30 m hérlendis

Vaxtarlag: Einstofna tré með keilulaga krónu

Vaxtarhraði: Getur verið allmikill

Landshluti: Einkum í innsveitum

Sérkröfur: Þarf mjög gott skjól í æsku

Styrkleikar: Fallegt tré, verðmætur viður

Veikleikar: Haustkal, lítil reynsla

Athugasemdir: Degli hefur náð 20 m hæð í Hallormsstaðaskógi og er til í skógum víða um land. Líkt og með evrópulerki er tími þess í almennri skógrækt þó ekki enn kominn. Þetta gæti verið framtíðartré í skógrækt á Íslandi og mögulega leyst lerki af hólmi víða þar sem lerki lætur undan síga vegna hlýnunar. Tegundirnar eru ekki alls óskyldar og degli þrífst væntanlega vel í jarðvegi lerkiskóga