Afkvæmatilraun með úrvalsbirki

Afkvæmatilraunir eru hafnar með afkvæmi kynbætts íslensks birkis.  Markmið þessa verkefnis er að finna íslenskt birki sem vex hraðar og beinna en það birki sem nú er plantað. 

Í fyrstu tilrauninni af þremur var plantað 2800 plöntum á Hólasandi í byrjun júlí.  Plantað verður í tvo tilraunareiti í viðbót seinna í mánuðinum.  Annar reiturinn verður á Suðurlandi og hinn á Fljótsdalshéraði.  Skógrækt ríkisins hefur umsjón með tilrauninni.