Fagráðstefna skógræktar að hefjast

Birkiskógarnir á sunnanverðum Vestfjörðum eru nú í sókn með minnkandi beit. Reyniviður skreytir skógana víða en nú vaxa líka upp gerðarlegir greniskógar vestra.

Loftslagsbreytingar og timburgæði meðal umfjöllunarefna

Vestfirðingar eru gestgjafar Fagráðstefnu skógræktar á þessu ári. Ráðstefnan hefst á morgun, 16. mars á Patreksfirði. Fjallað verður um loftslagsbreytingar og viðbrögð við þeim, gæði íslensks timburs og notagildi, tækni og notkun landupplýsinga og margt fleira. Alls verða flutt ríflega tuttugu erindi en einnig farið í skoðunarferð um Tálknafjörð og litið á vestfirska skóga.

Fyrri ráðstefnudagurinn skiptist í þrjá meginkafla eða umfjöllunarefni sem verða fyrirferðarmest í þeim erindum sem flutt verða þann daginn:

• Yfirvofandi loftslagsbreytingar og viðbrögð við þeim
• Hvernig er efnið úr íslenskum skógum og hver verða hugsanleg framtíðarnot
• Landupplýsingatækni og notkun hennar
  

Alls verða 23 erindi flutt á ráðstefnunni og að henni lokinni er að venju gert ráð fyrir að gefið verði út ráðstefnurit. Greinar fyrirlesara koma þá út í Riti Mógilsár.

Skipuleggjendur Fagráðstefnu skógræktar 2016 eru:

• Skjólskógar á Vestfjörðum: Sæmundur Kr. Þorvaldsson
• Skógrækt ríkisins: Pétur Halldórsson
• Rannsóknastöð skógræktar, Mógilsá: Aðalsteinn Sigurgeirsson
• Skógfræðingafélag Íslands: Bergsveinn Þórsson
• Skógræktarfélag Íslands: Einar Gunnarsson
• Landbúnaðarháskóli Íslands: Bjarni Diðrik Sigurðsson

Dagskrá fagráðstefnu 2016

16. mars

17. mars

Ráðstefnan fer fram í félagsheimilinu á Patreksfirði sem er um 200 metra gang frá Fosshótel Vestfjörðum Patreksfirði þar sem gert er ráð fyrir að flestir ráðstefnugestir muni gista.

Texti: Pétur Halldórsson
Myndir: Sæmundur Þorvaldsson