Klébergsskóli eykur útinámið

Starfsfólk Klébergsskóla óskaði efir því að verkefnisstjóri Lesið í skóginn setti upp skógartengda útinámsdagskrá í Ólaskógi á fyrsta starfsdegi skólans á nýju starfsári. Hópurinn kynntist ferskum viðarnytjum og tálgutækni og til urðu litlir skartgripur úr eins og tveggja ára víðigreinum. Hópnum var skip í tvennt og var m.a. keppt í að kljúfa eldivið, semja ljóð eftir upplifunaræfingar og spáð í grisjun í þéttum asparlundi. Að endingu var farið í gegnum gerð eldstæða, eldbakstur og aðstöðu í kennslurjóðrum. Inn í dagskrána var fléttuð fræðsla um útinám, áherslur og aðferðir sem að gagni mætti koma í skólastarfi.

Myndir og texti: Ólafur Oddsson