Rekaviður með stórum staf

#Vesturameríkuskógar2013

Risastór sitkagrenistykki sjórekin á vesturströnd Norður-Ameríku

Skógræktarfólk af Austurlandi upplifði ótrúlega sjón í fjörum á vesturströnd Norður-Ameríku í ferðalagi um skógarsvæði þar vestra haustið 2013. Allt er stórt í Ameríku, er stundum sagt og það gildir sannarlega um rekaviðinn líka.

Víða í íslenskum fjörum má finna rekavið sem að mestu er ættaður úr skógum Síberíu. Sumir bolirnir eru býsna stórir en sjaldgæft er þó að finna rekaviðarbjálka sverari en um 50 cm í þvermál. Það var því ævintýri að koma á strönd á Ólympíuskaga í Washington-ríki í Bandaríkjunum og upplifa REKAVIÐ.

Þarna var rekaviðurinn ekki eins langt að kominn og á Íslandi, að mestu ættaður frá ströndum Bresku-Kólumbíu og Alaska. Innan um var viður nokkurra trjátegunda en stærstu stykkin voru öll sitkagreni.

Myndirnar tala sínu máli.   

• Myndband um rekaviðinn mikla
• Fleiri myndbönd úr Ameríkuferð 2013

Texti og myndir: Þröstur Eysteinsson
Kvikmyndataka: Hlynur Gauti Sigurðsson
Samsetning: Kolbrún Guðmundsdóttir

Fréttin var uppfærð 26.10.2021