Spennandi viðburðir um skógvísindi og skógarnytjar

13.04.2016

Tveir stórviðburðir á sviði skógvísinda og skógarnytja verða í Frakklandi í júní. Í byrjun mánaðarins verður haldin á vegum IUFRO ein stærsta ráðstefna um skógerfðafræði sem haldin er á þessu ári í heiminum og síðar í mánuðinum fer fram Evrópukaupstefnan FOREXPO.

Í ljósi þess að þarna verður margt skógarfólk samankomið þykir henta að halda í tengslum við þessa viðburði aðra mikilvæga fundi. Því hefur verið boðað til sameiginlegs þings EFIATLANTIC og IEFC um sama leyti og skipulögð kynnisferð til að gefa gestum frá fjarlægum löndum færi á að kynnast ræktuðum skógum í þessum hluta Evrópu.

Viðburðatal

Fimmtudagur 2. júní
Hliðarviðburður: Sustainable Intensification of Planted Forests: Potential and Limits in the Field of Genetics, haldið samhliða skógerfðafræðiráðstefnunni IUFRO Genomics and Forest Tree Genetics Conference.
Fer fram í: Palais des Congrès d'Arcachon í Frakklandi
Frekari upplýsingar

Miðvikudagur til laugardags 8. - 11. júní
Kynnisferð um skóga við Atlantshafsströnd Suður-Evrópu. Suðvestanvert Frakkland og Norður-Spánn.
Tækifæri til að vitja reita með strandfuru (Pinus pinaster), geislafuru (Pinus radiata), tröllatrjám (Eukalyptus) og ösp.
Hlaða niður bráðabirgðadagskrá

Mánudagur til miðvikudags, 13. - 15. júní
Alþjóðleg vísindamálstofa: Sustainable Intensification of Planted Forests: How Far Can We Go?
Fer fram í: L'auditorium de la Cité de l'Océan, Biarritz, Frakklandi
Hlaðið niður bráðabirgðadagskrá: á ensku, frönsku, spænsku

Sameiginlegt þing EFIATLANTIC og IEFC. Þar meðtalinn morgunfundur um viðskipti og opinn síðdegisfundur um tækni.
Fer fram í: L'auditorium de la Cité de l'Océan, Biarritz, Frakklandi
Hlaða niður bráðabirgðadagskrá

***Óskað eftir fyrirlestrum! Eins og verið hefur síðustu tvö ár gefst þeim sem starfa innan EFIATLANTIC/IEFC kostur á að kynna starf sitt eða verkefni sem tengjast viðfangsefnum samstarfsins á opna síðdegisfundinum um tækni. Áhugasamir eru hvattir til að leggja fram vinnuheiti fyrir kynningar sínar í viðkomandi reiti á skráningargögnunum.***

Dagskrá kynnt síðar:

Kynnisferð á sýninguna FOREXPO í Mimizan, Frakklandi