Stór hópur Norðmanna í heimsókn

Í gær heimsótti 33 manna hópur frá Noregi aðalskrifstofu Skógræktar ríkisins á Egilsstöðum og starfsstöð stofnunarinnar á Hallormsstað. Um var að ræða starfsfólk skógræktar og landbúnaðar frá Noregi. Hópurinn fer í reglulegar skoðunar- og kynnisferðir og varð Ísland fyrir valinu að þessu sinni.

Eftir kynningu á stafsemi Skógræktar ríkisins og Héraðs- og Austurlandsskóga á Egilsstöðum var haldið í Hallormsstað þar sem grisjun ungra lerkiskóga var kynnt, hópurinn skoðaði kyndistöðina á Hallormsstað, gestastofu Vatnajökulsþjóðgarðs, Víðivallaskóg og viðarvinnsluna og trjásafnið á Hallormsstað.

 

Myndir og texti: Esther Ösp Gunnarsdóttir