Fréttir

Íslensk skógarúttekt var til umfjöllunar í kvöldfréttatíma Sjónvarpsins laugardaginn 25. júní og þar var rætt við Björn Traustason, sérfræðing á rannsóknasviði Skógræktarinnar, sem er meðal þeirra sem nú fara um landið á vegum stofnunarinnar til úttektar á mæliflötum í skógum. Björn segir að kolefnisbinding í skógunum hafi aukist mikið undanfarin ár.

Sænski gróðursetningarverktakinn William Kristiansson sem starfar fyrir Gone West setti í síðustu viku nýtt Íslandsmet í gróðursetningu trjáplantna þegar hann setti niður 17.732 birkiplöntur í Hekluskóga á einum sólarhring.

„Staðvinnustofur þátttakenda í Loftslagsvænum landbúnaði“ voru haldnar á dögunum, bæði í Engihlíð í Vopnafirði og Butru í Fljótshlíð. Þátttakendur á Norður- og Austurlandi, ásamt ráðunautum RML, Landgræðslunnar og Skógræktarinnar, komu saman í Engihlíð og skiptust þar á skoðunum, ásamt því að bændur á bænum greindu frá sínu mikla starfi í landbúnaði, landgræðslu og skógrækt.

Niðurstöður rannsóknar sem kynnt er í grein í vísindaritinu Frontiers in Plant Science gætu nýst til að spá fyrir um áhrif loftslagsbreytinga á þróun og framtíð plöntutegunda sem einangrast hafa á jaðarsvæðum, til dæmis hátt til fjalla.

Líf í lundi er yfirskrift fjölbreyttra viðburða sem verða í skógum víða um land um helgina. Skógræktin tekur að venju þátt í undirbúningi og framkvæmd Skógardagsins mikla á Hallormsstað en svo eru skógræktarfélög víða um land með ýmiss konar viðburði í skógum sínum. Viðburðirnir verða flestir á laugardag, 25. júní en annars á sunnudaginn.