Fréttir og pistlar

Ein forsenda þess að hægt sé að rækta skóg á auðnum þar sem foksandur er vandamál er oft sú að sandurinn sé fyrst bundinn. Frétt um Þorlákshafnarsand hér á síðunni var ekki ætlað að kasta rýrð á það landgræðslustarf sem þegar hefur verið unnið þar og var í raun forsenda þess að byggð gat þróast í Þorlákshöfn á sínum tíma.

Vísindamenn hafa með erfðatækni búið til tré sem verður auðveldara að sundra til að búa til pappír eða lífeldsneyti. Þar með þarf minna að nota af mengandi efnum við framleiðsluna og minni orku.

Kristján Már Magnússon skógverktaki hefur náð undraverðum tökum á nýju skógarhöggsvélinni sem hann keypti nýlega frá Svíþjóð. Hann fellir um 60 tré á klukkutíma með vélinni sem er um tífalt það sem einn skógarhöggsmaður með keðjusög afkastar. Þessi afköst aukast enn með meiri æfingu.

Einn af vorboðunum á Rannsóknastöð skógræktar, Mógilsá eru símtöl frá áhyggjufullum trjáeigendum og áhugamönnum sem hafa áhyggjur af ljótum grenitrjám. Vorið í ár er engin undantekning enda eru grenitré víða ljót, með brúnar nálar eða hafa jafnvel misst hluta nála sinna, sérstaklega á Suður- og Suðvesturlandi.

Fjallað verður um fjárhagsáætlanir fyrir jólatrjáaræktun en líka formun jólatrjáa, umhirðu og klippingu á þemadegi um ræktun jólatrjáa sem haldinn verður hjá Skógræktarfélagi Reykjavíkur í Heiðmörk 10. apríl. Skráning til 8. apríl.