Fréttir og pistlar

Landbúnaðarráðherra hefur falið Sambandi garðyrkjubænda að kynna Kolefnisbrúna garðyrkjubændum og framleiðendum garð- og skógarplantna. Markmiðið er að þessir aðilar geti unnið að kolefnisbindingu í rekstri sínum og jafnvel boðið öðrum slíka þjónustu.

Auglýst hefur verið eftir umsóknum um sjálfboðastörf á Þórsmerkursvæðinu í sumar. Sjálfboðaliðar dvelja allt að ellefu vikum á Þórsmörk á komandi sumri. Með því að lengja dvalartíma sjálfboðaliða hefur tekist að fækka flugferðum vegna sjálfboðaliðanna. Að auki gróðursetja þeir tré í þjóðskógum Suðurlands til að stuðla að bindingu á móti losun vegna ferðalaga sinna.

Myndir af sveppum sem þrífast á trjám og í skógum landsins prýða dagatal Skógræktarinnar fyrir árið 2021. Dagatalið má prenta út en því fylgja einnig myndir með innfelldum mánaðardögum sem fólk getur notað sem skjáborðsmynd á tölvum sínum og skipt um mánaðarlega.

Farfuglar og Dalur fjölskyldukaffihús í Laugardalnum í Reykjavík eru með jólamarkað fyrir jólin og selja m.a. íslensk jólatré. Í samvinnu við Skógræktina var útbúið veggspjald sem sýnir í stuttu máli yfirburði íslenskra jólatrjáa miðað við innflutt lifandi tré eða gervijólatré. Þetta eru sígild skilaboð. Gleðileg jól!

Stafafura, blágreni, rauðgreni, fjallaþinur og lindifura eru þær tegundir jólatrjáa sem til sölu verða laugardaginn 19. desember í Samfélagssmiðjunni á Egilsstöðum. Þessi litli markaður er örlítil sárabót fyrir jólamarkaðinn Jólaköttinn sem er árlegur viðburður eystra en fellur niður í ár vegna faraldursins.