Fréttir og pistlar

„Það er gott fyrir jörðina að planta trjám,“ sögðu nemendur í Grunnskólanum í Þorlákshöfn á föstudag þegar gróðursett var á Hafnarsandi í Ölfusi í tilefni af því að Yrkjusjóður, Skógræktin og Landgræðslan hafa undirritað samstarfsyfirlýsingu um aukna gróðursetningu grunnskólabarna og fræðslu fyrir þau um samspil kolefnisbindingar, landnotkunar og loftslagsmála.

Auðlindanýting telst ekki sjálfbær nema hún uppfyllir kröfur um hagræna, umhverfislega og félagslega þætti. Sjálfbærni fjallar um aðferðir við nýtingu auðlinda. Gróður- og jarðvegsauðlind Íslands hefur rýrnað svo mjög að hana þarf að endurheimta áður en hægt er að tala um sjálfbæra nýtingu hennar. Þröstur Eysteinsson skógræktarstjóri hefur ritað tvær greinar í Bændablaðið að undanförnu til að verja orð Árna Bragasonar landgræðslustjóra um ósjálfbæra landnýtingu sem birst hafa að undanförnu, meðal annars í Bændablaðinu

Námskeið í trjáfellingum og grisjun með keðjusög verður haldið á Egilsstöðum og Hallormsstað 6.-8. júní. Námskeiðið er öllum opið og skráningarfrestur er til 30. maí.

Þær aðferðir sem notaðar eru við skógmælingar á Íslandi voru meðal þess sem sjá mátti á afmælisráðstefnu norsku skógarúttektarinnar sem fagnar aldarafmæli sínu á þessu ári. Norðmenn urðu fyrstir þjóða til þess að hefja reglubundnar mælingar á öllum skógum sínum árið 1919

Skógarbændur á Hjalla í Reykjadal Suður-Þingeyjarsýslu hafa dreifplantað sitkabastarði og alaskaösp í plöstuð beð og alið upp í næga hæð til að trén megi gróðursetja í mjög grasgefnu landi. Með réttum aðferðum má ná góðum árangri á slíkum svæðum.