Fréttir og pistlar

Ari Trausti Guðmundsson alþingismaður verður meðal frummælenda á Fagráðstefnu skógræktar sem haldin verður í Hofi á Akureyri 11.-12. apríl. Erindi sitt nefnir Ari Trausti „Skógrækt á Íslandi“ og veltir hann fyrir sér m.a. hugmyndum um fjórföldun skógræktar á Íslandi.

Ákvarðanir um skógarmálefni ættu að byggjast á þeirri bestu vísindalegu þekkingu sem völ er á. En er það svo? Ef ekki, hvernig má þá miðla þekkingunni betur? Nýlega var efnt til nýs tengslanets innan SNS sem ætlað er að flýta fyrir því að rannsóknarniðurstöður í skógvísindum geti nýst skógræktendum.

Nýverið var samningur Skógræktarfélags Íslands við umhverfis- og auðlindaráðuneytið um Landgræðsluskóga framlengdur til bráðabirgða um eitt ár. Ríkiskaup auglýsa nú eftir tilboðum í framleiðslu og dreifingu plantna til afhendingar vorið 2019.

Fyrsti sérsmíðaði timbur­flutninga­bíllinn kom til landsins fyrir skömmu. Það er fyrirtækið Skógarafurðir ehf. í Fljótsdal sem keypti ækið sem samanstendur af bíl með hleðslupalli og krana og sérsmíðuðum tengivagni. Bændablaðið fjallar um málið og ræðir við Bjarka M. Jónsson hjá Skógarafurðum sem segir að þetta æki komi til með að auðvelda þeim mikið að sækja hráefni til vinnslunnar. 

Skógrækt, almenn landgræðsla og bleyting á framræstu landi eru sársaukalitlar aðgerðir í loftslagsmálum miðað við aðgerðir sem snerta neyslu fólks og venjur. Langan tíma tekur að breyta hegðun almennings og pólitískt ómögulegt er að draga úr neyslu. Þetta segir Þröstur Eysteinsson skógræktarstjóri.