Fréttir og pistlar

Björt Ólafsdóttir umhverfisráðherra hefur lagt fram á Alþingi skýrslu sína um stöðu og stefnu Íslands í loftslagsmálum. Í skýrslunni segir meðal annars að miklir möguleikar séu á að binda kolefni í jarðvegi og gróðri á Íslandi á hagkvæman hátt. Tryggja þurfi fjárframlög til landgræðslu og skógræktar og horfa á fjölþætt vistfræðileg og samfélagsleg markmið skógræktar og landgræðslu.

Skóglendisvefsjá Skógræktarinnar hefur verið uppfærð og nú má fá upplýsingar um allt birkiskóglendi, alla ræktaða skóga og samanlagt skóglendi landsins ásamt hlut­föllum innan sveitarfélaga.

Skógræktin boðar til vorfundar með skógarbændum á Austurlandi fimmtudaginn 9. mars. Þar verður farið yfir skipulag við framkvæmd nytjaskóga á lögbýlum, samræmingu verkferla og skipurit Skógræktarinnar.

Í nýútkomnu fréttabréfi samtaka norskra jólatrjáaframleiðenda, Norsk juletre, er minnt á að þegar trén eru í dvala sé upplagt að taka af þeim nálasýni til efnagreiningar. Nálasýnin gefa upplýsingar um efnaupptöku trjánna og geta nýst til að bæta næringarástand þeirra.

Áhugi Íslendinga á jólatrjám sem ræktuð eru innan lands virðist vera að aukast að mati Else Möller, skógfræðings og skógarbónda í Vopnafirði. Öll íslensk jólatré seldust upp fyrir síðustu jól og framboðið stóð ekki undir eftirspurn. Áhugaverð jólatrjáaráðstefna verður haldin í Birmingham á Englandi í sumarbyrjun.